Fáa meira fyri at hava børn í fostri

Eitt uppskot um samsýning til fosturforeldur, sum var á veg í løgtingið í farna valskeiði, er nú komið í løgtingið úr Mentamálaráðnum.

Sambært tí skulu fosturforeldur fáa meira fyri at hava børn í fostri.

Gjaldið fyri vistarhald og klæði verður tað, sum gjaldið hevði verið, um tað var javnað trý prosent um árið frá 2015 til 2025.

Fosturforeldur fáa tí 1.300 kr. meira um mánaðin.

Upphæddirnar vera javnaðar hvørt ár sambært lógini um javningarprosent til almannaveitingar.

Sambært Kommunufelagnum eru í miðal 85 børn í fostri.

Kommunurnar rinda fosturforeldrum samsýning. 

Tað fer at kosta kommununum 1,3 mió. kr. at hækka gjaldið.

Kommunurnar hava sjálvar skotið upp at hækka gjaldið.