50.000 kr. í sektaruppskoti - báðir ferðaleiðararnir tóku av

Tveir ferðaleiðarar, sum vóru tiknir fríggjadagin, fingu 50.000 kr. hvør í sektaruppskoti.

Teir tóku av, sigur politiið. 

Báðir menninir, annar er úr Bretlandi og hin úr Póllandi, eru vístir úr Føroyum. 

Teir sleppa ikki aftur higar í tvey ár. 

Ferðalagið hjá øðrum var ikki komið til Føroya, tá ferðaleiðarin var tikin, sigur politiið.

Tveir menn, sum fóru inn um markið, sum sýslumaðurin setti í sambandi við springaradrápið í Streymnesi, fingu 1.000 kr. í sektaruppskoti.

Teir tóku av.

Menninir eru ikki útvístir.