Henrik Frandsen verður nýggjur formaður í fólkatinginum

Henrik Frandsen í stjórnarflokkinum Moderaterne verður nýggjur formaður í fólkatinginum.

Tað er greitt, eftir at stjórnarflokkarnir skjóta hann upp til formann, og at Eindarlistin, sum er stuðulsflokkur hjá stjórnini, eisini tekur undir við at velja Henrik Frandsen til formann. 

Henrik Frandsen var fyrstu ferð valdur í fólkatingið á valinum í 2022. Hann var formaður í tingbólkinum hjá Moderatunum, og í februar gjørdist hann ráðharri í eldramálum.

Henrik Frandsen avloysir Søren Gade í Vinstra, sum hevur verið fólkatingsformaður.