Fuglaveiða skal skrásetast - kunngerðin er ikki komin enn

Í fjørvár samtykti løgtingið, at øll fuglaveiða, eisini eftir havhestaungum, skal skrásetast og fráboðast.

Broytingin í fuglaveiðulógini merkir, at øll, sum ætla sær eftir havhestaungum ella øðrum fugli, skulu boða Havstovuni frá, hvat tey hava fingið. 

Men kunngerðin, sum skal áseta, hvussu fólk skulu boða frá, og hvussu veiðutølini skulu almannakunngerast, er framvegis ikki gjørd og lýst.

Havstovan sigur, at so skjótt kunngerðin er lýst, kann skrásetingin byrja.

Jacob Vestergaard, landsstýrismaður, sigur, at málið er nýtt fyri sær, og væntandi verður kunngerðin lýst í hesum árinum.

Men tað verður heldur ikki í ár, at nátaveiðan verður skrásett, sjálvt um fuglaveiðulógin sigur tað.  

Hoyr innslag í útvarpstíðindunum: