Varðhaldsfongslaður fyri at seta eld á

Varðhaldsfongslaður fyri at seta eld á
42 ára gamli maðurin greiddi frá í rættinum, at hann er ørkymlaður, tí hann bæði er arbeiðsleysur og heimleysur
Føroya rættur hevur varðhaldsfongslað ein 42 ára gamlan mann fyri at hava sett eld á ein bil í Havn í gjár.
 
13.06.2013 - 16:30
Ein 42 ára gamal maður varð í grundlógaravhoyring í dag varðhaldsfongslaður í fýra vikur fyri eldáseting. Tað var í gjár, at maðurin royndi at seta eld á ein bil hjá Tórshavnar kommunu. Tilburðurin fór fram á parkeringsplássinum á Frúutrøð við nakrar arbeiðsskúrar hjá Tórshavnar kommunu. 
 
Maðurin fór inn í handilin Mylnuna, har hann keypti reinsibensin, sum hann í brúkti til at seta eld á,. Ein troyggja lá á baksetrinum í einum bili, hann stoytti nakað av bensininum á troyggjuna og setrið, og fór síðani til hús. 
 
Fólk hjá Tórshavnar kommunu kom til beinanvegin, og tað eydnaðist teimum at sløkkja eldin, áðrenn hann rættiliga festi í bilin. 
 
Misti starvið
 
42 ára gamli maðurin greiddi í grundlógaravhoyringini frá, at hann misti starvið hjá sær hjá Tórshavnar kommunu í 2010, og hevur verið arbeiðsleysur síðani. Harafturat hevur maðurin fyri stuttum fingið at vita, at hann er uppsagdur í bústaði sínum.
 
- Eg var so ørkymlaður um, at eg eri arbeiðsleysur enn, og nú eisini verði heimleysur. Eg eri púra fyri av ongum av støðuni hjá mær, segði skuldsetti í rættinum, og hann legði afturat, at tann, sum hevur skyldina av hesi støðuni, er Tórshavnar kommuna. 
 
Og tí royndi hann at seta eld á bilin. 
 
Kann fremja líknandi brotgerð aftur
 
Dómarin metti, at vandi kann vera fyri, at skuldsetti fer at gera líknandi brotsgerðir aftur, og tí varðhaldsfongslaði hann tann 42 ára gamla mannin í fýra vikur. 
 
- Orsøkin til, at fongslingin er fýra vikur, er, at vit hava ikki stundir avgreiða málið skjótari, segði dómarin við skuldsetta, sum tók við varðhaldsfongslingini. 
 
Kriminalforsorgin fer eisini at persónskanna mannin. 
Er kopiera
Nýggjastu sendingar í ÚV
Mánadag 25. november
Góðan morgun Føroyar
184117
Mánadag 25. november
Lesikrókurin 24 nov 2024
184113
Mánadag 25. november
Morgunlestur mánadagur 25.november 2024
184104
Sunnudag 24. november
Bolero - 24. november 2024
184087
Sunnudag 24. november
Guðstænasta úr Vesturkirkjuni
184085
Nýggjastu sendingar í SV
Sunnudag 24. november
Stórmøti hjá Heimamissióni
184095
Fríggjadag 22. november
Dagur og vika - teknmálstulkað
184015
Fríggjadag 22. november
Veðrið
184049
Hósdag 21. november
Fólksins rødd 4:4
183995
Hósdag 21. november
Andaktin
183982