Stór útskifting í almennum nevndum í Grønlandi

Stór útskifting í almennum nevndum í Grønlandi
Tað hevur loypt hvøkk á fleiri, at grønlendska landsstýrið hevur broytt nevndirnar í fleiri almennum feløgum
 
01.06.2014 - 14:26

Tað verður gjørt eftir eini lóg um javnari kynsbýti í nevndunum, so helvtin av nevndarlimunum skulu vera kvinnur. Tann lógin kom í gildi á nýggjárinum.
Grønlendingar tóku sum heild undir við lógini, men broytingarnar sum nú verða gjørdar, eru so stórar, at tað hevur loypt hvøkk á fólk.
M.a. føra grønlendsku miðlarnir fram, at fleiri av teimum sum eru vald í nevndirnar, ikki hava stórvegis royndir at sita í nevndum.
Ført verður fram, at búskaparligu viðurskiftini eiga at viga tyngri enn nevndarsessirnir.

Landsstýrið hevur m.a. skift helvtina av nevndini í KNI, fyrrverandi Kongliga Grønlandska handlinum út, og í nevndini í grønlendska reiðarínum, Royal Arctic Line, slapp bert ein nevndarlimur at halda fram.
Lise Lyck, sum er lektari við Copenhagen Business School, sigur gongdina vera óhepna, serliga nú Grønland ætlar at lata stór útlendsk feløg fáa fótafesti í Grønlandi.
Tað gongst heldur ikki serliga væl í grønlendska búskapinum, og tá so stórar broytingar verða gjørdar, kann tað gera ilt verri, sigur hon.
Aleqa Hammond, landsstýrisformaður verjir seg við, at tíðin er komin til at lata fleiri og nýggjari kreftir sleppa framat, fyri at vísa hvat tey duga.

 

Er kopiera
Nýggjastu sendingar í ÚV
Mánadag 24. februar
Nú styttist av álvara til kappingarbyrjan
188212
Sunnudag 23. februar
Guðstænasta Í Norðskála kirkju
188169
Sunnudag 23. februar
Kallið: "Eg varnaðist, at deyðin var har".
188104
Leygardag 22. februar
Jambalaja - 220225
188155
Nýggjastu sendingar í SV
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151