- Tíðindi, mentan og ítróttur
Gongur væl hjá føroyskum telvarum á talvolympiadu
Gongur væl hjá føroyskum telvarum á talvolympiadu
Føroyar vunnu 3-1 á Sýrialandi í fimta umfari á talvolympiaduni í Tromsø í gjár. Sigurin er tann triði hjá føroyska talvlandsliðnum í kappingini
![](https://kvf.fo/sites/default/files/styles/grein-ovasta-mynd/public/talv_olympiada_2014.jpg?itok=D8GskbDv)
Tríggjar sigrar og Føroyar hava otað seg fram sum nummar 53 í røðini av teimum 177 londunum í kappingini. Tað er úrtøkan higartil á talvolympiaduni í Tromsø
Mynd: chess24.com
07.08.2014 - 07:38
Olaf Berg, Høgni Egilstoft Nielsen og John Arni Nilssen vunnu síni talv, men John Rødgård tapti sítt talv á talvolympiaduni, ið er í Tromsø í hesum døgum.
Sigurin ber í sær, at Føroyar hava otað seg fram sum nummar 53 í røðini av teimum 177 londunum í almennu kappingini. Í løtuni hava vit trý norðurlond aftanfyri okkum; Svøríki, Danmark og Finnland.
Tað verður eitt annað norðurland - Ísland - sum vit møta í næsta umfari, sum verður í morgin, fríggjadagin. Í dag er frídagur hjá telvarunum í Tromsø. Kappingin endar 14. august, tá ellinta og seinasta umfar verður telvað.
Nýggjastu sendingar í ÚV
Nýggjastu sendingar í SV