Sáttmáli við fýra reiðarí uttan fyri Reiðarafelag

Eftir samráðingar síðani í fjør heyst hevur Fiskimannafelagið nú fingið sáttmála við fýra reiðarí, sum ikki eru í Reiðarafelagnum fyri farmaskip.

Reiðaríini eru smápartafeløgini Frakt & Sand, Sekstant og Vermland og partafelagið Sandgrevstur.

Sáttmálin er galdandi til 1.mars 2016. 

Sambært sáttmálanum er byrjanarhýran hjá dekkarum 24.000 kr. og 23.760, tá eitt prosent í eftirløn er farið av lønini.

Eftir seks ár er hýran 27.450 kr., tá eftirlønin er tald við. 

Talan er um minstuhýru. Veruligu hýrunar hjá teimum fýra reiðaríunum eru hægri enn sáttmálin ásetur, sigur Jan Højgaard, formaður í Fiskimannafelagnum.

Sambært sáttmálanum eru fólk umborð í 30 dagar og hava so frí við fullari hýru í 30 dagar.