Vakmyndaupptøkur kunnu avdúka tjóv

Tað var fyrr í vikuni, at pangamappan hjá eini kvinnu í Klaksvík varð stolin. 

Portal.fo skrivaði í gjárkvøldið, at ein kvinna, sum hevði verið til handils í Klaksvík, varnaðist, tá hon kom til hús, at pengamappan var horvin. 

Gjaldskortið hjá kvinnuni varð síðan brúkt fimm ferðir í sjálvtøkum hjá báðum bankunum í Klaksvík. Okkurt um 10.000 krónur vórðu tiknar út við kortinum hjá kvinnuni. 

Vakthavandi á Politistøðini sigur við Útvarpið, at nakrar mannagongdir eru, tá politiið skal hava myndir úr vakmyndatólum hjá peningastovnunum, men tá politiið hevur fingið myndirnar ber kanska til at síggja, hvør brúkti stolna kortið.