Politistastarvið skal vera spennandi

Adrenalin, action og hetjur. Tað er tað, sum dregur ung nú á døgum til at gerast poltitistur. Tað vísur nýggj norsk kanning.

Altjóða gransking hevur leingi víst á, at politistar kenna sterka trá at spenningini, "action" og at niðurberja kriminalitet. Og teir víkja ikki fyri at brúka vald. Tey lesandi siga, at við yrkinum sum politistur ynskja tey at gerast hetjur og fyrimynd fyri onnur, skrivar forskning.no.

Kanningin vísur eisini, at alsamt færri lesandi á politiháskúlanum hava foreldur, sum hava hægri útbúgving. Hetta, hóast kapping er um sleppa inn á Politiháskúlan. Kanningin vísur, at tey hava lítlan áhuga fyri ástøðiligum lærugreinum, hava lítlan ella ongan áhuga fyri politikki og samfelagslívi, og hava stóran áhuga fyri kropsligari venjing.

Pål Winnæss, sum er ein teirra, ið hevur gjørt kanningina, sigur við forskning.no, at bakgrundin hjá lesandi á norska politiháskúlanum er broytt seinastu árini. Foreldrini hava hvørki hægri útbúgving ella stutta yrkirættaða útbúgving. Pål Winnæss sigur, at greitt samband er millum útbúgvingarstøðið hjá foreldrunum og áhugan hjá tí lesandi at gerast politistur.

Sera fáa av teimum lesandi hava foreldur, sum eru politistar, vísur kanningin.