Varaforseti fordømir brot á vápnahvíld

- Heldur Russland á at bróta avtalurnar, sum vórðu gjørdar í Minsk, eisini ta seinastu, sum skrivað varð undir 12. februar, fer tað at kosta Russlandi dýrt, sigur Joe Biden.

Seinastu tíðina eru bardagarnar kring býin Debaltseve har eysturi í Ukraina harðnaðir, og russiskt sinnaðu uppreistrarmenninir hava tikið ein part av býnum.

Felagsskapurin fyri trygd og samstarv í Evropa, OSCE, ætlaði at senda altjóða eygleiðarar at hava eftirlit við vápnahvíldini, men teir eru ikki slopnir inn í Debaltseve.

SÍ EISINI Lítil virðing fyri vápnahvíldini: Fimm latið lív

- Varaforsetin fordømir eisini Russland og uppreistrarmenninir fyri at forða eygleiðarunum at sleppa inn í býin, tí á tann hátt kunnu uppreistrarmenninir halda fram við bardøgunum, verður sagt úr Hvítu Húsunum.

Russiski forsetin, Vladimir Putin, segði í gjár, hann vónar, at uppreistrardeildirnar at lata ukrainsku hermenninar sleppa úr Debaltseve.

ST-trygdarráðið hevur samtykt eina yvirlýsing, sum viðurkenninir friðaraavtalun fyri Ukraina. Í yvirlýsingini verður heitt á stríðandi partarnar um at halda vápnahvíldina.