ES longt lánini til Grikkaland

Evro-londini leingja lánini fyri at vinna sær tíð at samráðast um eina nýggja avtalu við Grikkaland, sum er í svárari, fíggjarligari kreppu.

Við avtaluni, bindur Grikkaland seg at halda tær treytirnar, sum verðandi hjálpipakki krevur, tó er kravið til yvirskotið á handilsjavnanum hjá Grikkalandi linka eitt sindur.

Avtalan kann skaða stjórnina

Men nýggja avtalan kann gerast ein trupulleiki hjá stjórnini, tí nógv ikki vilja góðkenna, at Grikkaland hevur lagt seg flatan fyri evro-londini. Tað sigur Hákon Redder við DR. 

Týskland hevði annars boðað frá, at tað tekur ikki undir við umsóknini hjá Grikkalandi, tí hon lýkur ikki krøvini um sparitiltøk og nýskipanir í Grikkalandi, sum evru-londini hava sett sum treyt. Eisini Portugisiki fíggjarmálaráðharrin fannst at, at treytirnar til Grikkaland vóru linari í nýggju avtaluni. 

Men hini 18 londini í evru-samstarvinum góðtóku karmin, og avtalan var undirskriva í gjár.