Hópgravir við hermonnum funnar

12 hópgravir eru funnar í irakiska býnum, Tikrit. Hildið verður, at útivið 1700 hermenn, ið Islamiskur statur hevur tikið av døgum, eru grivnir

Rættarlæknar grava í løtuni ræðuleikar hjá Islamiskum stati upp í irakiska býnum, Tikrit, har komið er fram á 12 hópgravir. Hildið verður, at útivið 1700 hermenn eru grivnir í grøvunum

Mynd: AP

Bjarni Mohr

07.04.2015 - 09:48

Harðrenda og ræðuliga framferðin hjá Islamiskum stati kemur í hesum døgum undan kavi í 12 hópgravum í irakiska býnum, Tikrit.

Rættarlæknar arbeiða í løtuni við at eyðmerkja øll líkini, ið eru funnin í hópgrøvunum. Hildið verður, at útivið 1700 hermenn vórðu grivnir í grøvunum.

Greinin heldur fram niðanfyri

New div after blockquote

Suspected mass graves of up to 1,700 Iraqi soldiers killed by Islamic State found in Tikrit http://t.co/1BGtdSSZVQ pic.twitter.com/1LA1m1eGMl
— BBC News (World) (@BBCWorld) April 7, 2015

- Vit hava grivið tey fyrstu líkini upp í dag, og tað var ikki nøkur tespilig sjón, segði ein talsmaður fyri myndugleikarnar við tíðindastovuna, Reuters, sunnudagin.

Nakrar hópgravir eru í býnum har fyrrverandi irakiski forsetin, Saddam Hussein, búði. Býurin hevur virkað sum høvuðsstøð hjá Islamiskum stati síðani Hussein doyði.