Lummatjóvar í Eiffeltorninum

Starvsfólkið í torninum fór í verkfall og siga, at leiðslan og løgreglan gera ov lítið fyri at steðga lummatjóvum í torninum og kring tað. Tjóvarnir eru til ampa fyri bæði starvsfólk og ferðafólk, verður sagt.

Starvsfólkini siga, at tey hvønn dag kenna seg hótt av hesum harkaliðum, sum eisini berjast sínámillum - og starvsfólkini vilja hava vissu fyri at trygdin eri lagi, bæði teirra egna og tann hjá ferðafólki. Tað eru serliga rík ferðafólk úr Asia, tjóðarnir stjala frá, verður sagt.

22 milliónir ferðafólk vóru í Paris í fjør, og 126 ára gamla Eiffelltornið er millum mest væl vitjaðu støðini í býnum. Blaðið "Liberation" skrivar, at 26.000 løgreglufólk og loyniløgreglufólk verða á varðhaldi í Paris í summar, so fólk í býnum fáa frið fyri lummatjóvum.