Hava nú mist tolið við Grikkalandi

Talsmaðurin fyri IMF sigur, at Grikkaland eigur næsta leikin, og at ósemja framvegis er um pensjónir, skattir og fígging.

Forsetin í ES, Donald Tusk, ávarar samstundis Grikkaland ímóti at spæla sær við framtíðina, og mælir landinum til at gera eina avtalu við fíggjarstovnarnar.

Greinin heldur fram niðanfyri

New div after blockquote

Pressure on Greece as IMF negotiators leave finance talks in Brussels http://t.co/oJhe2D8ERS

— BBC News (World) (@BBCWorld) June 11, 2015

- Tíðin rennur undan, og eg eri bangin fyri, at dagurin nærkast, tá onkur fer at siga, at nú er liðugt, sigur Donald Tusk, forseti í ES.

Grikski statskassin er um at vera tómur, og hjálparætlanin fyri landið fer úr gildi seinast í juni. Finst eingin loysn fyri ta tíð, so er vandi fyri, at Grikkaland fer á húsagang, og má fara burturúr samstarvinum um evruna.

Í lánsavtaluni sum er gjørd við Grikkaland eru framvegis 7,2 milliardir evrur tøkar, men londini sum lána pengarnar, vilja ikki geva Grikkalandi teir, fyrr enn ein avtala er fingin við Grikkaland um fíggjarætlanina fyri tey næstu árini, og hvussu pengarnir skulu nýtast.