Skjótari hjálp til HPV-gentur

1. juni vóru sonevndir HPV-miðdeplar settir á stovn, sum skulu hjálpa gentununum, sum hava álvarsom hjáárin, so genturnar fáa hjálp skjótari, skrivar TV2.

Men fyrstu tríggjar mánaðirnar eru 1300 gentir vístar til miðdeplarnar, og tað er meira enn miðdeplarnir hava orku til at taka ímóti, og tí er bíðitíðin vorðin long.

Hjáárini hjá gentunum eru millum annað høvuðpína, møði, svimbul, vaml, magapínu og svímilsi. Nógvar gentur hava eisini at miðsavna seg.

SÍ EISINI Danskar gentur kannast fyri HPV-hjáárin

Nú hevur danski heilsumálaráðharrin biðið um Danske Regioner um eina kanning av, hvussu bíðitíðirnar kunnu styttast, sigur Sophie Løhde, heilsumálaráðharri, við TV2.

Heilsumálaráðharrin væntar, at nýggju leiðreglurnar verða liðnar í byrjanini av komandi ári. Í øðrum ársfjórðingi í ár komu tilsamans 308 fráboðanir til Danska Heilsustýrið um hjáárin av HPV-koppsetingini.

158 av teimum 308 fráboðanunum ið komu fyrsta ársfjórðing, vórðu flokkaðar sum álvarsligar. Tað eru fleiri enn heilsustýrið frammandundan væntaði.

SÍ EISINI Nýggj kanning varpar ljós á HPV hjáárin

Metingin hjá Heilsustýrinum er kortini enn, at fyrimunirnir við at lata seg koppseta móti lívmóðurhálskrabba eru størri enn møguligi vandin er.

Í Føroyum og í Danmark verður fyrsta koppsetingin fyri krabbamein í lívmóðurhálsi givin tá gentan er 12 ár. Í mai mánað í ár vóru tilsamans tvær fráboðanir komnar um hjáárin av HPV-koppsetingini í Føroyum.