Kommunur missa eftirlønarskatt, men fáa hann aftur

Sambært lógini um eftirløn skuldi bundna inngjaldið hækka upp í trý prosent næsta ár, men tað verður, sambært lógaruppskoti hjá Fíggjarmálaráðnum, eisini tvey prosent í 2016, tað sama sum í ár.

Talan um ein miss fyri kommunurnar í 2016, sigur Fíggjarmálaráðið. Men talan er bara um ein fyribils miss fyri kommunurnar.

Fáa tað mista inn aftur seinni

Tað, sum tær missa í 2016, fáa tær inn aftur seinni, tí hækkingin í eftirlønarinngjaldinum, sum verður skattað 40 prosent, byrjar aftur í 2017, tá gjaldið verður trý prosent.

Í hesum sambandi heldur Fíggjarmálaráðið tað vera viðkomandi at vísa á, at kommunurnar fáa meira skatt, okkurt um 15 mió. kr., tí útgjaldið úr Samhaldsfasta hækkar næsta ár.

Sambært lógaruppskotinum, sum kom í tingið í gjár, verður bundna eftirlønargjaldið komið upp í 15 prosent í 2029.