Bretland hevur bumbað Islamiskan Stat í nátt

Bretsk flogfør hava í nátt bumbað mál hjá Islamskum Stati í Sýria. Parlamentið í London samtykti í gjárkvøldið at heimila herinum at bumba við flogførum í Sýria.

Bretskar deildir hava bumbað IS í Irak í meiri enn eitt ár, og David Cameron, forsætisráðharri, hevur leingi lagt trýst á politikararnar í parlamentinum um eisini at fáa heimild at bumba í Sýria.

Islamskur statur hevur átikið sær skyldina fyri yvirgangsatsóknina í París 13. november, sum kravdi 130 mannalív.

Cameron leggur dent á, at bumbur einsamallar loysa ikki borgarakríggið í Sýria, sum hevur vart í fimm ár. Men loftálop fara sum frálíður at týna Islamskan Stat, sigur hann.