Nýsæland skal møguliga hava nýtt flagg

Nýsælendingar vóru á fólkaatkvøðu um nýggja flaggið, og úrslitið er, at nýggja flaggið verður blátt og svart við silvur-littum trøllakampi og fýra reyðum stjørnum. 

Vinnarin av fólkaatkvøðuni skal tó aftur í nýggja og avgerðandi fólkaatkvøðu móti núverandi flagginum. Fólkaatkvøðan verður í mars.

- Fólkaatkvøðan hevur søguliga stóran týdning fyri okkum, sigur varaforsætisráðharrin, Bill English, sambært New Zealand Herald. 

Líkist ov nógv

Tey, sum vilja hava nýtt flagg siga, at núverðandi flaggið við bretska Union Jack í horninum, kemur ov lætt kemur í bland við fyrrverandi bretsk hjálond, sum eitt nú Avstralia.

Flaggið, sum nú skal kappast móti vernadi flaggi, hevur silvur-trøllakampin sum berandi felagsmerki. Trøllankampurin er tjóðarmerki í New Zealandi. 

Tær fýra reyðu stjørnurnar eru SuðurKrossurin - ein stjørnumynd, sum bert sæst á himmalhválvinum á syðru jarðarhálvu. 

Fólkaatkvøðan í marsmánaði veður avgerðandi fyri, hvat flagg New Zealand skal brúka frameftir.