Sethús og bilur fingu skaða av neyðrakett í nátt

Tvær neyðrakettir gjørdu skaða í nátt. Onnur kom í klædningin á einum sethúsum á Glyvrum, men festi kortini ikki rættiliga í. Og ein onnur neyðrakett breyt bakrútin á einum bili í Havn, upplýsir politiið.

Tað er forboðið at brúka neyðrakettir sum fýrverk.

Annars vóru kvøldið og náttin sum vanligt er um vikuskifti, húsaófriður, harðskapur, full fólk, fólk, sum detta og fáa skaða, fólk, sum koyra ávirkað, og boð vóru eftir sjúkrabili til eina kvinnu, sum skuldi føða.