Marknaeftirlit skal nú standa sína roynd

Á midnátt kom marknaeftirlitið millum Danmark og Svøríki í gildi. Og tað er í hesum tímunum, at skipanin av álvara sleppur at royna seg.

Formaðurin fyri Pendleraklubbanum Kystbanen, Michael Randropp, mælir fólki, ið ferðast í toki, til at hava samleikapappírini klár.

SÍ EISINI Seta í verk samleikaeftirlit í tokum og bussum

Fyri pendlaran merkir tað, at tað fer at taka longur tíð nú at ferðast við toki millum Svøríki og Danmark. Fleiri fjølmiðlar skriva, at tað gongur striltið at fáa fólk gjøgnum marknaeftirlitið.

Í fráboðan klokkan gott seks í morgun boðaði danska jarnbreytarverkið, DSB, frá, at marknaeftirlitið virkar sum ætlað og bert smávegis trupulleikar hava verið.