Nýggj ES-avtala kunngjørd í dag

Nú siga bretskar keldur, sum BBC hevur tosað við, at millum nýggju treytirnar hjá Bretlandi verður møguleikin at forða fyri, at ES-lógir og reglugerðir av sær sjálvum koma í gildi í Bretlandi.

Nógvir bretar eru misnøgdir við ES og ávirkan tess á bretska samfelagið. Bretski forsætisráðharrin, David Cameron, hevur lovað, at bretska fólkið sleppur á fólkaatkvøðu um ES-limaskap næsta summar.

SÍ EISINI Cameron loyvir ráðharrum at atkvøða »nei«

Áðrenn ætlar Cameron sær at tryggja Bretlandi ein nýggjan sáttmála við ES, so sleppast kann undan, at Bretland limar seg heilt úr samveldinum, um so verður, at bretska fólkið akvøðir ímóti ES-limaskapi.

ES-forsetin, Donald Tusk, fer seinni í dag at kunngera eitt uppskot um nýggja avtalu millum ES og Bretland.

Sambært keldum hjá BBC fer at standa í uppskotinum, at ein meiriluti av ES-limalondunum skal taka undir við tí fyri at tað skal verða galdandi.