David Cameron leggur frá sær

David Cameron, bretski forsætisráðharrin, leggur frá sær. Tað ger hann í seinasta lagi í oktober, tá konservativi flokkurin aftur hevur aðalfund.

Tað kunngjørdi David Cameron á beinleiðis sjónvarpaðum tíðindafundi, nú tað er greitt, at landið við fimtstørsta búskapinum í heiminum fer úr ES.

BREAKING NEWS: David Cameron says Britain requires "fresh leadership" after #Brexit vote https://t.co/ooKgPKetCN https://t.co/eWtVf1QPBU

— Bloomberg (@business) June 24, 2016

- Eg fari at gera alt, eg eri mentur, at stabilisera støðuna, men eg eri ikki tann rætti at standa á odda, segði David Cameron millum annað á tíðindafundinum uttanfyri Downing Street 10.

51,9 prosent av bretum atkvøddu á fólkaatkvøðuni í gjár fyri at Bretland skal fara úr ES. 48,1 prosent atkvøddu fyri at verða verandi í Evropasamveldinum.