Umrøða nýggja fólkaatkvøðu um loysing

Tað váttar skotski forsætisráðharrin, Nicola Sturgeon, fyri BBC.

- Vit eru vorðin samd um at samráðast við ES-myndugleikar og ES-limalondini beinanvegin um møguleikarnar fyri at verja skotsku støðuni í ES, segði Nicola Sturgeon eftir fundin. Kreppufundurin kom í lag, eftir at meirilutin av

bretum atkvøddi fyri at melda seg úr evropasamveldinum, hóast næstan tveir triðingar av skotum atkvøddu fyri at varðveita limaskapin.

Skotski forsætisráðharrin sigur, at skotska sjálvstýrið nú er byrjað at fyrireika eina nýggja fólkaatkvøðu um at loysa frá restini av Bretlandi.

Fyri tveimum árum síðani atkvøddu 55 prosent av skotum ímóti loysing.

Í gjárkvøldið mótmæltu hundraðtals ES-viðhaldsfólk í bæði Glasgow og í Edinburg.