Strika monopolið í Grønlandi

Eisini innanlands í Grønlandi skal prísurin lækka. Stjórin í Royal Arctic Line, Verner Hammeken, sigur, at felagið er sinnað at lata einkarrættin til farmaflutningin frá sær, so neyðug kapping kemur í.

Royal Arctic Line og Eimskip skrivaðu undir eina samstarvsavtalu í mai, og feløgini hava ætlanir um at byggja trý nóg stór bingjuskip, ið skulu taka sær av farmaflutninginum til og úr Grønlandi og innanlands í Grønlandi.

Áðrenn avtalan fær gildi, skal avtalan góðkennast av grønlendska sjálvstýrinum og kappingarmyndugleikunum í Íslandi og í ES.