Eingin nýggj handilsavtala millum Bretland og USA

USA og Bretland fara ikki at tingast um at eina nýggja handilsavtalu londini millum. Tað skrivar tíðindastovan Ritzau.

Tað er greitt eftir at Theresa May, forsætisráðharrin í Bretlandi, og amerikanski forsetin, Barack Obama, hittust á G20-toppfundi í Kina um vikuskiftið.

SÍ EISINI Obama: Handilsavtala skal hjálpa teimum veiku

Hetta er fyrstu ferð, at Theresa May, nýggi forsætisráðharrin í Bretlandi, og Barack Obama, amerikanski forsetin, hittast eftir at hon tók við embætinum í juli.

Ikki óvæntað varð tingast um handilsviðurskiftini millum tey bæði londini eftir at Bretland á fólkaatkvøðu í summar atkvøddi fyri at fara úr ES.

May: Avgerðin stendur við

- Vit arbeiða uppá eina handilsavtalu við Asia og eina við ES. Tí fara vit ikki at gera eina sjálvstøðuga avtalu við Bretland, sigur Obama.

Bretland skuldi ongantíð verið farið úr ES, hevur amerikanski forsetin sagt fleiri ferðir. Men tann avgerðin stendur við.

- Brexit merkir Brexit. Tí verður eingin nýggj fólkaatkvøða í Bretlandi um ES-limaskapin hjá Bretlandi, sigur Theresa May, bretskur forsætisráðharri.