Ferðsluóhapp á Kambsdali

Eitt ferðsluóhapp var á Kambsdali umleið klokkan átta í morgun, sigur vakthavandi á politistøðini í Havn.

Ein bilur, sum skuldi snara av landsvegnum inn til Kambsdal, rendi í bilin, sum stóð frammanfyri, og stoyturin var somikið harður, at aftari bilurin fór útav vegnum.

Eingin fólkaskaði var, men bilarnir fingu stóran skaða, sigur vakthavandi á politistøðini í Havn við útvarpið.