iPhone 7 ikki so væl umtókt - hóast alt

Apple selur munandi færri iPhone 7 fartelefonir enn fyritøkan annars hevði væntað, tá nýggjasta fartelefonin hjá fyritøkuni varð send í handlarnar.

Neyðugt verður tí at minka iPhone 7-framleiðsluna við 10 prosentum fyrsta ársfjórðing í 2017, skrivar danska blaðið, finans.dk, á netinum.

Kendu longu sviðan í 2016

Ringa sølugongdin kemur kortini ikki sum lundi á jólanátt. Apple merkti longu til minkandi søluna í fjórða ársfjórðingi í 2016.

Tá varð neyðugt at minka framleiðsluna við umleið 20 prosentum, tí sølan gekk munandi trekari enn Apple hevði sæð fyri sær.

Partabrøvini í Apple fullu eitt umleið eitt prosentstig fríggjadagin tá tíðindini um minkandi søluna bórust. iPhone 7 kom í handlarnar 7. september.