Láglønt arbeiða niðursetta tíð

Tað eru serliga fólk í teimum lægru lønarbólkunum, sum arbeiða niðursetta tíð. Tað skrivar Starvsmannafelagið á heimasíðuni, starvsmannafelag.fo

Tølini yvir limir í Starvsmannafelagnum, sum starvast hjá landsins stovnum, vísa, at tað eru serliga tey, sum eru lønt í lægru lønarbólkunum, tað vil siga, bólki 1, 2 og 3, sum arbeiða niðursetta tíð.

Í lønarbólki 1, har mánaðarlønin er millum 19 og 23.000 krónur, eru góð 60 prosent, sum arbeiða niðursetta tíð, í lønarbólki 2 eru 45 prosent, í lønarbólki 3 er talið 35 prosent og í lønarbólki 4 eru tey 39 prosent.