Stríðast við at reka grind til havs

Meðan føroyingar drepa grind hvørja viku, stríðast næstu grannar okkara í Hetlandi við at reka grindahvalir til havs fyri at bjarga teimum

ShetNews skriva, at í gjár róku nakrir menn ein ungan grindahval, sum var vilstur inn á Vidlin Voe, út haðani.

Tá hevði hann verið inni á vágni í tveir dagar. Tað eydnaðist at fáa hvalin út á opið hav. Men seinni í gjár varð hann aftur sæddur tætt inni við land.