MEST hevði avlop í fjør og er nøgt við úrslitið

MEST hevði góðar tíggju milliónir krónur í avlopi eftir skatt í fjør.

MEST sigur, at tað er framgongd og í lagi. 

Nettosølan hjá MEST samtakinum í fjør var 322 mió. kr.

Dótturfelagið hjá MEST, PAM Offshore Service, hevði tó eitt hall upp á 600.000 kr. í fjør, nakað tað sama sum í 2016.

Í MEST samtakinum eru skipasmiðjurnar í Havn og á Skála, MEST framleiðsluútgerð í Runavík og PAM-Offshore Service, sum veitir tænastur til frálandavinnuna í Noregi. 

- Vit hava havt eina góða byrjan í 2018 við áhugaverdum verkætlanum í ymiskum vinnum. 
MEST skal eisini byggja nýtt havrannsóknarskip fyri landsstýrið. Tað hevur nógv arbeiði við sær komandi tvey árini, sigur Mouritz Mohr, stjóri í MEST. 

Í MEST samtakinum arbeiða okkurt um 300 fólk.