- Tíðindi, mentan og ítróttur
Nývalda stjórnin vil loyva narkotika í Meksiko
![](https://kvf.fo/sites/default/files/styles/grein-ovasta-mynd/public/mynd_dpa.jpg?itok=-fQgOvy5)
Nývaldi forsetin, Andres Manuel Lopez Obrador, sær hetta sum møgulig fyriskipan til at steðga blóðuga narkokrígnum í landinum.
- Tá tað snýr seg um at avkriminalisera rúsevni, so segði Andres Manuel, forseti, við meg: Carte blanche. Alt sum er neyðugt fyri at fáa frið aftur í okkara landi, lat okkum seta hol á tað kjakið, sigur innanríkisráðharrin, Olga Sanchez Cordero.
Fleiri enn 200.000 morð eru framd síðani 2006, tá myndugleikarnir byrjaðu at brúka hernaðarliga megi í eini roynd at basa risastóra narkohandlinum í landinum. Cordero sigur, at slíkur hernaðarligur politikkur stríðir ímóti stjórnarrættarligu ásetingunum um, at myndugleikarnir hava ábyrgd av trygdini í landinum.
Nýggja stjórnin í Meksiko tekur við um ársskiftið.