Suðurkorea latið ávaringarskot av

Hetta vátta umboð fyri suðurkoreanska verjumálaráðið, sambært amerikonsku sjónvarpsrásini, CNN.

Suðurkoreanska verjumálaráðið sigur í fráboðan, at russiska hernaðarflogfarið tvær ferðir fleyg inn í suðurkoreanskt loftrúm uttan loyvi.

Hendi tvær ferðir týsdagin

Suðurkorea sendi tískil jagaraflogfør eftir russiska flogfarinum, og at hesi lótu ávaringarskot av móti flogfarinum báðar ferðirnar tað kom inn í suðurkoreanskt loftrúm.

Hendingin við russiska flogfarinum var bara eina av tveimum í suðurkoreanskum loftrúmi týsmorgunin lokala tíð.

Tvey kinesisk hernaðarflogfør vóru nevniliga í fylgi við russiska flogfarinum, og eisini tey flugu uttan loyvi inn í suðurkoreanska loftrúmi.

Óvist um tað var við vilja

Enn er ikki greitt, um tað var við vilja, at russiska hernaðarflogfarið fleyg inn í suðurkoreanska loftrúmið. Viðurskiftini millum londini er annars góð.

Á G20 fundinum í Osaka í Japan í juni róstu leiðarar í londum báðum góða sambandinum millum Suðurkorea og Russland.

Russiski forsetin Valdimir Putin segði, at Suðurkora var eina av landsins lykla-samstarvsfelagum í Asia. Einasta tvístøða millum londini er oyggin Noktundo, sum bæði londini siga hoyra til sín.