- Tíðindi, mentan og ítróttur
Tveir gávuseyðir latnir á Syðradali
Tveir gávuseyðir latnir á Syðradali
Leygardagin vórðu tveir gávuseyðir latnir synum Bjørn Kalsø, bónda á Syðradali í Kalsoynni. Talan er um elligamlan sið í bygdini
Jancy og Steffan Kalsø og Ása og Sørmundur Kalsø við hvør sínum gávuseyði.
Mynd: Hennibeth Kalsø
15.10.2019 - 09:10
Ávíkavist á sumri og millum jólanna í fjør giftust Sørmundur og Ása Kalsø og Steffan og Jancy Kalsø.
Steffan og Sørmundur eru synir Bjørn og Hennibeth Kalsø, bóndahjún á Syðradali, og sambært gomlum siði á Syðradali vórðu gávuseyðir latnir brúðarpørunum.
1322298
Bjørn Kalsø veit ikki at siga, um tað hevur verið upp á sama máta aðrastaðni í landinum, tá gávuseyður varð latin.
Steffan Kalsø er elsti bróðir av trimum. Mynd: Dánial Klakkstein Thomsen.
Sørmundur Kalsø er miðlingasonur Bjørn og Hennibeth Kalsø. Yngsti bróðurin eitur Símun Kalsø. Mynd: Dánial Klakkstein Thomsen.
- Man kann kanska kalla hetta eina samhaldsfasta skipan, har brúðarparið í bygdini fekk ein seyð í gávu sum ískoyti til húsarhaldið, greiðir Bjørn Kalsø frá, tá hann verður spurdur um hendan gamlan siðin.
Gamalt var at fletta seyðin í køkinum, og nógv varð gjørt burturúr. Mynd: Dánial Klakkstein Thomsen.
Mynd: Hennibeth Kalsø
Góð vekt
Seyðirnir hjá Steffani og Sørmundi vórðu eisini flettir í køkinum í barndómsheiminum hjá pápa teirra og væl skarst.
Mynd: Hennibeth Kalsø
- Onnur geldærin vigaði 59 pund og hevði 26 merkur av tálg, meðan hin vigaði 54 pund og hevði um 29 merkur av tálg, greiðir Steffan Kalsø frá og leggur afturat, at enn er ikki avgjørt, hvørt hjúnið fær hvørja ær.
Foreldrini fingu eisini gávuseyð
Í 1991 fingu Bjørn Kalsø og konan, Hennibeth, eisini gávuseyð á Syðradali í Kalsoynni.
Tá var Zacharias Hammer við, og burtur úr kom sendingin, Manna millum um gávuseyð.
Er kopiera
Nýggjastu sendingar í ÚV
Nýggjastu sendingar í SV
