25 mió. kr. fyri fótbóltsvøll og grundstykki

Tað fer at kosta 25 milliónir krónur at gera fótbóltsvøll í Hoyvík og 24 grundstykki oman Gil byggibúgvin.

Tórshavnar kommuna fekk tvey tilboð upp á útstykkingina oman Gil og arbeiðið at gera fótbóltsvøll í Hoyvík.

Góð millión lægri

Tilboðið hjá J&K Petersen er eina góða millión lægri enn metingin hjá ráðgevunum hjá býráðnum segði. Metingin er 26 milliónir krónur og tilboðið hjá J&K Petersen er 24,8 mió. kr.  

Tilboðið hjá Articon er 27,9 mió. kr. 

Umsitingin hjá býráðnum viðger nú tilboðini saman við ráðgevunum, Landsbyggifelagnum og HMP Consult. Síðani verður málið fyrireikað til politiska viðgerð í býráðnum.