- Tíðindi, mentan og ítróttur
BankNordik: 220 til 240 milliónir í yvirskoti í ár
![](https://kvf.fo/sites/default/files/styles/grein-ovasta-mynd/public/dad36a45c9e53dc601483e0617189563.png?itok=jvPcnW5r)
Tað sigur bankin, sum í morgun leggur fram roknskapin fyri fyrstu tríggjar ársfjórðingarnar í 2014.
BankNordik hevur alt árið í ár roknað við yvirskoti á millum 200 og 240 milliónir krónur, og tann metingin vísir seg at halda, sigur bankin í tíðindaskrivi.
Stórur vøkstur í danska partinum
Raksturin av BankNordik hevur higartil í ár givið 128 milliónir krónur í yvirskoti. Tað er serliga í danska partinum av bankanum er vøkstur at hóma.
Útlánini vuksu fimm prosent í triðja ársfjórðingi. Hinvegin lækka samlaðu inntøkurnar hjá BankNordik, og tað kemst sambært bankanum av, at útlánsrentan til føroysku kundarnar er lækkað.
Higartil í ár hevur BankNordik framt niðurskrivingar fyri 55 milliónir krónur netto. Tað er munandi lægri enn í fjør, tá bankin framdi niðurskrivingar fyri tilsamans 147 milliónir krónur