Fyrstu myndirnar komnar frá halastjørnuni 67P

Lítla rúmdarfarið Philae loysti í gjár frá móðurskipinum Rosetta, og byrjaði ferðina niður á halastjørnuni 67P/Churyumov-Gerasimenko.

Upplýsingar, sum komu frá Philae í nátt, vísa at rúmdarfarið lendi ikki heilt sum ætlað. Tað gjørdi eini tvey lop, áðrenn tað setti seg. Rúmdarfarið skuldi eisini skjóta tvær harpunir niður á halastjørnuni, men tær virkaðu ikki.

Men Philae stendur á halastjørnuni. Enn er ikki greitt, um rúmdarfarið stendur í vatur ella hellir eitt sindur. Hellir tað, kann tað ávirka sólpanelini soleiðis, at rúmdarfarið ikki fær nóg nógva sólarorku at virka.

Í nátt hevur lítla rúmdarfarið sent sjey myndir frá halastjørnuni niður á jørðina og tvær myndir eru kunngjørdar.

Sí myndina her

Fleiri myndir frá Rosetta síggjast her