Sí upptøkuna: Her rakar skalvalop Mount Everest

- Jørðin skelvur, fanans!

Tað eru fyrstu orðini á upptøkuni niðan fyri, tá tað leygardagin gjørdist greitt hjá fjallaklintraranum á Mount Everest, at ein skalvur var lopin á fjallinum.

Fyrstu løtuna eru fjallaklintrarnir róligir. Síðani kemur róp í, og fjallaklintrarnir søkja sær skjól í teltunum í leguni, Everest Basecamp, ið er 5364 metrar uppi.

Týski fjallaklintrarin, Jost Kobusch, hevði upptøkutólið tendrað, tá skalvurin rakar leguna á Mount Everest, har nakrir fjallaklintrarar eru staddir. Sí upptøkuna her.

17 fjallaklintrarar hava higartil mist lívið í skalvalopinum og fleiri enn 60 aðrir fjallaklintrarar eru løstaðir, skrivar BBC News.

Tilsamans eru fleiri enn 3.200 fólk higartil deyð av jarðskjálvtanum leygardagin, meðan 6.000 onnur fólk eru særd, skriva útlendskir miðlar.