Undantaksstøða lýst eftir samanbrestir

Ófriðurin kyknaði eftir at ein 25 ára gamal svartur maður, Freddie Gray, doyði fyri góðari viku síðan av løstum sum hann fekk, tá hann varð handtikin vikuna frammanundan. Freddie Gray varð jarðaður í gjár.

Hendingin við unga manninum hevur elvt til vreiði og samanbrestir millum svørt og politiið í Baltimore. Mótmælisfólk hava rænt og sett eld á eitt apotek og hava tveitt múrsteinar eftir løgregluni.

Greinin heldur fram niðanfyri

VIDEO: Maryland governor declares state of emergency http://t.co/UI8sWBszb2

— The Associated Press (@AP) April 28, 2015

Fleiri hundrað løgreglumenn hava verið í gøtunum í kjalarvørrinum á ófriðinum. Fráboðanir eru um, at einir 15 hava fingið skaða í samanbrestunum.

Borgarstjórin í Baltimore, Stephanie Rawlings-Blake, hevur nú lýst útigongubann frá klokkan 22 til klokkan fimm á morgni. Bannið stendur við í eina viku.