- Tíðindi, mentan og ítróttur
Seta nú roykibann í gildi í bilum
Seta nú roykibann í gildi í bilum
Ein nýggj lóg í Onglandi og Wales bannar nú foreldrum at roykja í bilinum, um børn eisini eru í bilinum. Bótin er 500 krónur
Fólk í Onglandi og Wales, ið festa sær í meðan børn eru í bilinum, fáa nú 500 krónur í bót. Ein nýggj lóg er júst sett í gildi
Mynd: Savnsmynd/AP
01.10.2015 - 15:57
Bilførarar - ið bróta lógina og hóast alt roykja, tá børn eru í bilinum - fáa eina bót, ið er 50 bretsk pund, svarandi til umleið 500 krónur, skrivar BBC.
Tað er ikki bert tá pinku- og smábørn eru í bilinum, at roykibannið er galdandi. Bilførarar kunnu eisini fáa bót, tá ung upp til 18 ár eru í bilinum.
Skotar umhugsa nú at ganga í teimum somu fótasporunum sum onglendingar, og eisini innføra roykibann, tá børn og ung eru í bilum.
Norðurírar hava enn ikki tikið støðu til um roykibannið eisini verður sett í gildi har. Norðurírar vilja fyrst síggja, hvussu bannið roynist aðrastaðni.
Er kopiera
Nýggjastu sendingar í ÚV
Nýggjastu sendingar í SV
