- Hetta er ein tann týdningarmesta avgerðin

- Hetta er helst týdningarmesta avgerðin, sum bretska fólkið skal taka í nýggjari tíð, segði David Cameron, bretski forsætisráðharrin, í eini røðu í dag.

Niðurteljingin til fólkaatkvøðuna í Bretlandi um limaskapin í ES er byrjað, og sambært David Cameron fær fólkaatkvøðan stóran týdning fyri landsins framtíð.

Samráðingarnar um at nýskipa ES formliga byrjaðar

- Tað er neyðugt at gera nýskipanir í ES, so felagsskapurin verður kappingarførari. Leiðararnir í ES-londunum eiga at verða meiri liðiligur og leggja størri dent á at varðveita Bretland í samveldinum, segði Cameron í røðuni, sambært Ritzau.

Bretski forsætisráðharrin sigur eisini, at trýstið frá tilflytarum er vorðið ov stórt, og bretar hava tørv á at fáa tamarhald á gongdini.

- Bretar eiga at vænta, at krøvini verða viðgjørd í størri álvara, sigur bretski forsætisráðharrin. Nýggju limalondini eiga ikki at fáa størri rásarúm í ES, fyrr enn búskapurin í hesum londum er komin á sama stig sum tann bretski, segði David Cameron.