Lagnan hjá felagnum skjótt kunngjørd

Í næstu viku fer sperda oljufelagið Atlantic Petroleum at kunngera, um felagnum er lív lagað, ella um tað fer undir umsiting ella skal endurskipast.

SÍ EISINI Óvist um felagið klárar sínar skyldur

Felagið sigur í dag í fráboðan, at tað í næstu viku væntar at koma við einari fráboðan um støðuna hjá felagnum. Í løtuni er nógv, sum bendir á, at oljufelagið Atlantic Petroleum fer undir umsiting ella verður endurskipað.

- Framleiðslukostnaðurin á oljuleiðunum er hægri enn oljuprísurin, og støðan er tí ikki haldbar. Vit royna enn at fá til vegar fígging ella eina loysn á Orlando útbyggingini, sum krevur nógvan pening, segði stjórin, Ben Arabo, í seinastu viku.