Tríggir bretar smittaðir av Zika-virusi

Trý bretsk ferðafólk eru smittað av Zika-virusi í Suðuramerika. Hetta skrivar CNN á heimasíðuni. 

Sambært bretsku heilsumyndugleikunum eru hetta fólk, ið hava ferðast í Kolombia, Suriname og Guyana. 

Zika-virusið verður ikki borið frá fólki til fólk, men verður spjatt við mýggjabitum, og enn er eingin lekidómur móti virusinum. 

Kann elva til heilaskaða

Zika-virusið kann elva til, at børn verða fødd við ov lítlum skallabeini og heilsaskaða – tí, sum á læknamálið eitur mikrocefali.

Í Brasil er talið á mikrocefali-tilburðum vaksið ógvuliga nógv. Síðan oktober í fyrraári eru meira enn 3.500 børn fødd við mikrocefali, samanborið við 147 tilburðir alt árið 2014.

Danski serumstovnurin mælir nú donskum kvinnum, sum eru við barn, frá at ferðast til Suðuramerika, sum støðan er í løtuni.