Landstingslimur: Grønland eigur at skifta navn

Í staðin fyri at eita Kalaallit Nunaat, sum grønlendska navnið er, so eigur rætta navnið at vera Inuit Nunaat, heldur landstingslimurin, Nikolaj Jeremiassen úr Siumut.

Nikolaj Jeremiassen hevur sent landsstýrinum ein fyrispurning um at Grønland broytir navn. Inuit Nunaat er eitt betri navn, heldur Nikolaj Jeremiassen, sambært KNR.

Navnið merkir tað sama

Inuit Nunaat merkir "land menniskjanna" og hetta samsvarar betri við tað, sum forfedrarnir kallaðu tey fólkini, sum búðu í landinum, heldur landstingslimurin.

Kalaallit Nunaat merkir í prinsippinum tað sama, men tað er eitt navn, sum er komið seinni. Og tað hevur verið ávirkað av teimum fólkum, sum fluttu til Grønlands.

Tí mælir Nikolaj Jeremiassen landsstýrinum til at umhugsa at brúka tað gamla navnið aftur. Hann heitir eisini á landsstýrið um møguliga at hava eina fólkaatkvøðu ella eina meiningarkanning, so fólk kunnu siga sína hugsan.