Herovasti í Norðurkorea avrættaður

Ri-generalur er tann seinasti í røðini av høgum embætisfólki í Norðurkorea, sum eru avrættað, síðan Kim Jong-un tók við eftir pápa sín, Kim Jong-il, fyri trimum árum síðan.

Sambært BBC varð Ri-generalur dripin fyri at hava mutrað og at elva til sundurlyndi í kommunistiska stjórnarflokkinum.

SÍ EISINI Norðurkorea skotið rakett út hóast ávaringar

Fráboðanin, um at herstjórin í Norðurkorea er avrættaður, kemur bara fáar dagar eftir, at landið skeyt eina langtrøkkandi rakett, ið helst er ætlað til hernaðarlig endamál - til dømis kjarnorkubumbur - út.

Eygleiðarar vilja vera við, at harðligu avgerðirnar hjá Norðurkorea í seinastuni eru ein roynd hjá Kim Jong-un at vísa seg sum ein bersøgnan og sterkan einaræðisharra, ið ikki letur seg trýsta - hvørki uttaneftir ella innanífrá.