194 milliónir í rakstrarúrsliti

BankNordik hevði 194 milliónir krónur í rakstrarúrsliti í fjør. BankNordik kunngjørdi roknskapin fyri 2015 í morgun.

Rakstrarúrslitið í fjør var 34 prosent betri enn í 2014. Leiðsla bankans hevur tó avgjørt at niðurskriva goodwill 468 milliónir krónur

20 milliónir latast í vinningsbýti

Niðurskrivingin hevur samband við virksemið í Danmark og Grønlandi. Tí er úrslitið eftir skatt hall upp á 221 milliónir krónur.

Niðurskrivingin av goodwill er bara roknskapartøknilig og hevur tí onga ávirkan á gjaldføri, rakstur ella fíggjarligu styrki bankans, sigur bankin.

Á aðalfundinum 30. mars fer nevndin at skjóta upp, at 20 milliónir krónur verða latnar í vinningsbýti, tvær krónur fyri hvørt partabræv.