Eingin søkti serlæknastarv

Eingin umsókn var til starvið sum giktlækni, tá umsóknarfreistin var farin 26. februar, ið var fríggjadagin í síðstu viku.

Starvið verður lýst leyst av nýggjum, sigur Johnny í Grótinum, sjúkrahússtjóri. Til tað eydnast at finna ein giktalækna aftrat Pero Sore, arbeiðir leiðslan við øðrum loysnum.

Leiðslan á Landssjúkrahúsinum arbeiðir eitt nú við møguleika fyri samstarvi við læknar uttanlands, sigur Johnny í Grótinum, sjúkrahússtjóri.