Pávin á Instagram: Sí fyrstu myndina hjá honum her

Frans pávi, sum nú er á sosiala miðlinum, Instagram, ætlar at brúka myndatænastuna hjá Instagram at náa út til tað yngra ættarliðið

Frans pávi roynir nú at røkka út til yngra ættarliðið við sosialu myndatænastuni á Instagram

Bjarni Mohr

20.03.2016 - 09:22

Justin Bieber er har, Barack Obama er eisini har og tað sama er Lars Løkke Rasmussen. Og nú er pávin eisini har - á myndasíðuni Instagram.

Frans pávi legði í gjár fyrstu myndina á Instagram. Tað er partur av miðlaætlanini hjá vatikaninum, til tess at tryggja, at boðskapurin røkkur út til yngru fólkini.

Pávin fekk í gjár meira enn eina millión fylgjarar á Instagram eftir bara 12 tímum. Higartil hava fleiri enn 28.000 fólk viðmerkt fyrstu myndina hjá pávanum á Instagram.

Pray for me Rezad por mí Pregate per me صلوا من أجلي Priez pour moi Módlcie się za mnie Rezem por mim Betet für mich Orate pro me

Et billede slået op af Pope Francis (@franciscus) den 19. Mar 2016 kl. 4:24 PDT

Sosialu miðlarnir eru tó ikki heilt ókendir fyri pávan. Frammanundan er Frans pávi eisini á Twitter, har hann tvittar til fólk á níggju ymiskum málum.