Lækkaði í gjár - nú hækkar hann aftur

Oljuprísurin hækkar aftur í morgun, og nærkast nú aftur 50 dollarum fyri tunnuna. Tað kemur av, at amerikansku oljugoymslurnar eru minni enn væntað.

Roknað varð við, at amerikansku oljugoymslurnar vóru á tremur, og at oljuprísurin tí fór at lækka meir. men tá myndugleikarnir kunngjørdu goymslurnar í morgun, vísti tað seg, at tær eru minkaðar góðar fimm milliónir tunnur.

Boðini høvdu við sær, at oljuprísurin hækkaði nakað, og í morgun verður olja seld fyri góðar 49 dollarar fyri tunnuna.