Høvuðsráðgevi hjá Trump sendur til hús

Donald Trump hevur sagt Lewandoski úr starvi, men Lewandowski veit ikki sjálvur at siga hví, ásannaði hann í samrøðu við sjónvarpsrásina CNN í gjár.

- Eg veit ikki, hví eg eri sagdur úr starvi, svaraði Lewandowski, tá hann varð spurdur beinleiðis um uppsøgnina.

Nú fyrrverandi oddamaðurin fyri valstríðið hjá Donald Trump er annars ein umstríddur persónur.

Eitt nú skal tað eitast, at tað er hann, sum hevur avrátt, at Washington Post ikki sleppur á fundirnar, Trump heldur í valstríðnum. Ein avgerð, sum er ógvuliga umstrídd.

Greinin heldur fram niðanfyri

Trump's campaign manager forced out: https://t.co/y58IKgOQPq

— AP Politics (@AP_Politics) June 20, 2016

Somuleiðis sigst Lewandowski vera maðurin, sum hevur ráðgivið Trump eftir yvirgangsatsóknirnar í Orlando. Nakað, sum Trump sambært veljarakanningunum ikki er komin serliga væl frá, tí undirtøka hansara er minkað munandi.

Enn er ógreitt, hvør tekur við eftir Lewandowski, men tað verður ein stór uppgáva hjá viðkomandi. Millum annað tí, at nógvar milliónir skulu fáast til vega at fíggja eitt landsumfatandi átak.

Tað hevur ikki eydnast Donald Trump og hansara hópi enn, meðan Hillary Clinton hevur gjørt hetta í eitt heilt ár higartil.